Hum Jissey Bhool Chukay Thay

Roman Urdu   رومن اردو

Hum Jissey Bhool Chukay Thay Jaalib

Phir Wohi......Rah  Guzzar Yaad Aaya

Na Dagmaggaye Kabi Hm Wafa K Rastey Mein

Na Dagmaggaye Kabhi Hum Wafa K Rastey Mein
Gharagh Hum Nay Jalaye Hawa Kay Rastey Mein

Kissey Lagaye Galley Aor Kahan Kahan Thehrey
Hazar Ghuncha O Gull Hain Saba Kay Rastey Mein

Khuda Ka Naam Koi Le To Chonk Uthhtey Hain
Milley Hain Hum Ko Wo Rahber Khuda K Rastey Mein

Kahein Salasil Tasbeeh Aor Kahein Zannar
Bichhey Hain Daam Bahot Mudda K Rastey Mein

Abhi Wo Manzil e Fikr O Nazr Kahan Aai
Hai Aadmi Abhi Jurm O Saza K Rastey Mein

Hain Aaj Bhi Wohi Dar O Rassn Wohi Zandan
Hr Ekk Nigah e Ramooz Aashna K Rastey Mein

Yeh Nafrton Ki Faseelin, Jahalton K Hassar
Na Reh Saken Gay Hamari Sadda K Rastey Mein

Mitta Sakey Na Koi Sail e Inqalab Jinhein
Wo Naqsh Chhorey Hain Hm Ne Wafa K Rastey Mein

Zamana Ekk Saa Jalib Sadda Nahin Rehta
Chalein Gay Hum Bhi Kabhi Sar Utha K Rastey Mein

Habib Jalib

Iss Shaher e Kharabi Mein

Iss Shaher e Kharabi Mein Gham e Ishq K Marey
Zinda Hain, Yahi Baat Bari Baat Hai Piyare

Yeh Hansta Hua Chaand Yeh Pur Noor Sittarey
Tabinda o Paind Hain Zarron Kay Saharey

Hassarat Hai Koi Ghuncha Hamein Piyar Se Dekhey
Armaan Hai Koi Phool Hamein Dill Se Pukarey

Hr Subha Meri Subha Pe Roti Rahi Shabnam
Hr Raat Meri Raat Pe Hanstey Rahey Tarey

Kuchh Aor B Hain Kaam Hamein Aye Gham e Janan
Kab Tak Koi Uljhee Hui Zulfoon Ko Sanwarey