Dasht Mein Piyas Bujhatey Huey Marr Jatey Hain

Roman Urdu  رومن اردو

Dasht Mein Piyas Bujhatey Huye Mar Jatey Hain

Hm Parinday Kahein Jatey Huey Mar Jatey Hain

Hum Sokhey Huye Tallab Pay Baithey Huye Hans

Jo Taalluq Ko Nibhatey Huey Mar Jatey Hain

Kiss Tarah Log Challey Jatey Hain Uth Kar Chup Chaap

Hum Jo Yeh Dhiyan Mein Latey Huey Marr Jatey Hain

Gharr Pohnchat Hai Koi Aor Hamarey Jaisa

Hum Tere Shaher Se Jatey Huey Marr Jatey Hain

In Kay Bhi Qatal Ka Ilzam Hamarey Sar Hai

Jo Hamein Zahir Pillatey Huey Marr Jatey Hain

Yeh Mohabbat Ki Kahani Nahin Marti Lekin

Log Kirdar Nibhatey Huey Mar Jatey Hain

Hum Hain Wo Tooti Hui Kashtion Waley Taabish

Jo Kinaron Ko Millatey Huye Marr Jatey Hain

Abbas Tabish

Urdu   اردو

دشت میں پیاس بجھاتے ہوئے مر جاتے ہیں

ہم پرندے کہیں جاتے ہوئے مر جاتے ہیں

ہم ہیں سوکھے ہوئے تالاب پہ بیٹھے ہوئے ہنس

جو تعلق کو نبھاتے ہوئے مر جاتے ہیں

کس طرح لوگ چلے جاتے ہیں اُٹھ کر جپ چاپ

ہم جو یہ دھیان میں لاتے ہوئے مر جاتے ہیں

گھر پہنچتا ہے کوئی اور ہمارے جیسا

ہم ترے شہر سے جاتے ہوئے مر جاتے ہیں

ان کے بھی قتل کا الزام ہمارے سر ہے

جو ہمیں زہر پلاتے ہوئے مر جاتے ہیں

یہ محبت کی کہانی نہیں مرتی لیکن

لوگ کردار نبھاتے ہوئے مر جاتے ہیں

ہم ہیں وہ ٹوٹی ہوئی کشتیوں والے تابش

جو کناروں کو ملاتے ہوئے مر جاتے ہیں

عباس تابش