Aye Hawa Sirf Dilbar Se Itna Kehna

Aye Hawa Sirf Dilber Se Itna Kehna
Ke Hum Ne Tujhe Sochne, Khojne
Aor Paney Kee Sub Khawahishon Ko
Udasi Ki Dewaron Mein Chun Diya Hai
Tujhe Piyar Se Dekhne Wali Aankhen Bisarat Se
Mehroom Kar Di Hain Ham Ne
Tujhe Paney Ki Aarzu Ko Fana kar Diya Hai
Teri Deed Ki Jo Machalti Thi Khawahish
Usey Hmney Dil Se Parey Kar Diya Hai
Qadam Jo Tere Rastey Se Zarra
Braber Bhi Hattey Na They
Ab Sanam Teri Rahon Pe Partey Nahin Hain
Tere Shaher Mein Aana Jana Raha
Na Teri Yaad Mein Shab Bitana Raha
Wo Haqeeqat Rahi Na Fasana Raha
Chaand Jisko Tera Istaara
Samjhtey They Hum
Usko Dekhtey Huwey Ik Arsa Huva
Aye Hawa Sirf Itna Sa Dilber Se Kehna..

Wo Ajeeb Shakhs Tha

Wo Ajeeb Shakhs Tha, Ke mein Ussey Aaj Tak Na Samjh Paya

Mujhe Chahta Bhi Ghazzab Ka Tha, Mujhe Chor Kr Bhi Challa Giya

Aankhon Mein Raha

Aankhon Mein Raha, Dill Mein Utar Kar Nahi Dekha

Kashti Ke Musafir Ne Sumandar Nahi Dekha

Agr Dill haar Baithey Ho

Agr Dill Haar Baithey Ho- Mere Hamdam Muhabbat mein

Fana Kaisi? Baqa Kaisi? Saza Kaisi? Jaza Kaisi?

Shahid Hay

 Shahid Hai Shiksta Pai Apni

Puhnchay Nahi Nagahan Yahan Hum

Mujhe aksar yeah kehti thi
Ke itni bar kehte ho,
“Mujhe Tum se Mohabbat hai”
ke ab dil per yeah sunanay se
Asar koi nahi hota
Magar jab aaj danista,
Nahi bola use mein ne
“Mujhe tum se mohabbat hai”
To uski ankh bhar aye

Aatif Saeed

Kitabon Se Dallail Doon

Kitabon Se Dalail Doon Ya Khud Ko Samney Rakh Doon

Wo Mujh Se Pooch Baithey Hain Muhabbat Kis Ko Kehtey hain

Samney Manzil Thee

Samney Manzil Thee Aor Peechey Uss Kee Awaz

Rukta To Safar Jaata, Chalta To Bicharr Jaata

Yeh Ghareeb Log Hain

Uss Ne Yeh Soch Kr Hamen Alvidaa Keh Dia Mohsin

Yeh Ghareeb Log Hian Muhabbat K Siwa Kia Dein Ge

Bari Tabdeelian Laye Hain

Bari Tabdeelian Laye Hain Apney Aap Mein Lekin

Tumhen Bs Yaad Karney Kee Wo Aadat Ab B Baqi Hai

Phatti Phatti Hui Aankhon Se

Phatti Phatti Hui Aankhon Se Youn Naa Dekh Mujhey

Tujhe Talash Hai Jis Shakhs Kee, Wo Mar B Giya

Mein Ne Uss Se Kaha

Mein Ne Uss Sey Kaha....

G Chahta Hai

Tujhe Bahon Mein Le Loon

Aor Pathar Ka Ho Jaon.....

Youn Koi Tujhe Mujh Se Judda Na Kar Paye

Wo Muskurai Aor Boli

Chupp Raho....

Deewaron Ke B Kaan Hua Karte Hain

Uljhan

Mujhe Khouf Hai

Wo Nibah Ke Kissi Marhaley Pe

Ye Aa Ke Kehdey Ab Nahin

Merey Dill Ko Teri Talb Nahin

Noshi Gillani

Ab To Aansu Ka Ek Qatra

Abb To Aansu Ka Ek Qatraa

                                        Bhi Ruswa Kar Jata Hai

Bachpan Mein Hm G Bhar

                                     Ke Roya Karte They

Mein Ne Ye Soch Ke Boye Nahi

Mein Ne Ye Soch K Boye Nahi Khawaboon Ke Darkhat

Kaon Sehra Mein Laggey Perr Ko Panii Deey Gaa

HAMEIN TOU HUKM_E_MAJAWARI HAI

Mazaar-E-Dill Mein Hai Kon Maddfan ..?
Yeh Kiss Aroosa Ka Maqebra Hai ...!!
Na Koi Qatba !! Na Koi Takti ...!!
Na Sung-E-Mar Mar Ki Sill Say Likha Hua Mohabbat Ka Sher Koi ...
Faqat Sarhanay Say Paiyentii Tak 
Amar Ki Bail Ik Lipat Gaii Hai ..
Jo Ik Zamany Say Keh Rahi Hai ..
Yaha'n Thikana Tha Aashiqi Ka ...
Yeh Peer Khana Tha Ashiqi Ka ...
Kissay Khabar K ..
Yahan Hai Madfan Faqeer Koi ?..Aseer Koi ?
Ya Phir Hai Waris Ki Heer Koi ... 
Kissay Khabar Hai !! 
Magar Hamari Majal Hi Kia ..
Yahan Jo Bolein...Zuban Kholein ..
K Apnay Lab Tw Silay Huay Hein ...
Na Janay Kb K Silay Huay Hein ,...

Humein Tou Hukm-E-Majawari Hai 
(Atif Javed Atif )

Tujhe Mein Bhool To Jata

Tujhe Mein Bool To Jataa

Mgr Terey Taa'luq Sey

Jo Chehrey Samney Aaye

Jo Rastey Samney Aaye

Jo Lamhey Samney Aye

Jo Rishtey Samney Aaye

Unhen Kaisey Bhullata Mein

Tujhey Kaisey Bhullata Mein?

Kitney Tuhfey Deti Hai

Kitney Tohfey Deti Hai Ye Muhabbat B Dosto

Dukh Alag, Ruswai Alag, Judai Alag, Tanhai Alag

Zindgi Se Dartey Ho...!!!

Zindag_i Se Dartey Ho?

Zindagi To Tum Bhi Ho, Zindag_i To Hum Bhi Hain

Aadmee Se Dartey Ho?

Aadmee To Tum Bhi Ho, Aadmee To Hum Bhi Hain

Aadmee Zaban Bhi Hai,Aadmee Bayan Bhi Hai,

Is Se Tum Nahin Dartey!

Hurf Aur Maeeney Ke Rishta Haye Aahan Se Aadmee Hai Wabasta

Aadmee Ke Daman Se Zindagee Hai Wabasta

Is Se Tum Nahin Dartey!

Un Kahi Se Dartey Ho?

Jo Abhi Nahin Ayee, Us Ghary Se Dartey Ho

Us Ghary Ki Amad Ki Aagahee Se Dartey Ho

Pehley Bhi To Guzrey Hain,

Daur Narasaai Ke, Beriya Khudai Ke

Phir Bhi Ye Samajhtey Ho,Heech Aarzoo Mandi

Ye Shab E Zaban Bandee,Hay Wo Khudavandi

Tum Mager Ye Kya Jano

Lab Ager Nahin Hiltey,Haath Jag Uthtey Hain

Haath Jag Uthtey Hain,Rah Ka Nishan Ban Ker

Noor Ki Zaban Ban Kar

Haath Bol Uthtey Hain,Subha Ki Azaan Ban Kar

Roshni Sey Dartey Ho?

Roshni To Tum Bhi Ho,Roshni To Hum Bhi Hain

Roshni Se Dartey Ho

Sheher Ki Faseelon Per,Deo Ka Jo Saya Tha,

Paak Ho Gya Aakhir Raat Ka Libada Bhi

Chaak Ho Gya Aakhir, Khaak Hogya

Aakhir

Azdahaam E Insaan Se Fard Ki Nawa Ayee,

Zaat Ki Sada Ayee

Raah E Shauq Mein Jaisey Raahero Ka Khoon Lapkey,

Ek Naya Junoon Lapkey!

Aadmee Chalak Uthey,

Aadmee Hansey Dekho,Sheher Phir Basey Dekho

Tum Abhi Sey Dartey Ho

Haan Abhi To Tum Bhi Ho,Haan Abhi To Hum Bhi Hain

Tum Abhi Sey Dartey Ho

Tere Aazad Bandon Kee

Terey Aazaad Banddon Kee Na Yeh Duniya Na Woh Duniya

Yahan Marney Kee Pabandee Wahan Jeeney Kee Pabandee

Woh To Suraj Ne Meharbani Kee

Wo To Surraj ne Mehar Bani Kee

Din Bhalla Kb Muhse Gurta Htaa

In Jheel See Gehri Aankon Mein

In jheel si gehri aankhon mein

ik sham kahein aabad to ho!!

is jheel kinarey pal do pal

ik khawab ka koi phool khiley,

wo phool baha dein lehron mein,

ik roz kabhi hum sham dhaley

us phool ke behte rangon mein

jis waqt larazta chaand chaley,

us waqt kaheen in aankhon mein

is bisrey pal ki yaad to ho

in jheel si gehri aankhon mein

ik shaam kaheen aabaad to ho,

phir chahe umr samander ki,

her mauj pareshan ho jaey

phir chahe aankh dareeche se

her khuab guraizan ho jaey

phir chahe phool ke chehre ka

her dard numayan ho jaey,

is jheel kinaarey pal do pal

wo roop nagar eejaad to ho

din raat ke is aainey se

wo aks kabhi aazaad to ho

in jheel si gehri aankhon mein

ik shaam kaheen aabaad to ho!! 

Iss Se Pehley K Tum Bichar Jao

Iss Se Pehley K Tum Bichar jao

Iss Se Pehley K Tum Na Mill Jao

Iss Se Pehley K Sans Aakhir Hoon

Merey Sathi Mein Chahtee Hoon Yahi

Jitney Ehsan Terey Jaan Pr Hain

Jitney Qarzey Hain Rooh Pr Meri

Ekk Ekk Kr Ke Sarey Gin Gin Ke

Apni Sanson Ke Aakri Lamhey

Teri Choukhat Pe Chor Jaon Gee.

Hum To Be Irada Hee Haar Maan Jate hain

Hm To Beirada Hee Haar Maan Jate Hain

Uss Ke Dar Se Uthtey Hain

Khud Ko Bhool Aatey Hain

Kash...Aaj Youn B Ho

Mere Sarey Raston pr

Khud Ko Bhol Jaye Wo

Mere Jeet Janey Ka Ye Gumman bardh Jaye

Khud Ko Haar Jaye Wo

Mera Maan Bardh Jaye

Aaj Iss Iradey se haar Maan Le Koi

Qurb E Jaan Ke Sadqey Mein

Rooh Khench Le jaye

Jaan Maang Le Koi

Aaj hm Iradey Se Hee Haar Maan Jatey Hain

Tm Pe Be Irada hee Jaan haar Jatey Hain

Kanwal Shahab

Jab Se Tu Ne Mjhey Deewana Bana Rakha Hai

Jb se Tu Ne Mujhe Deewana Bana Rakha Hai

Sang Har shakhs Ne haathon Mein Uthaa Rakha Hai

Uss Kay Dill Pr B Kari Ishq mein Guzaari Ho Gee

Naam Jis Ne B Muhabbat Ka Saza Rakhaa Hai

Pathro Aaj Merey Sir Pe Barstey Q Ho

Mein Ne Tum Ko B Kabhi Apna Khuda Rakhaa Hai

Ab Meri Deed Ki Dunya B Tamashai Hai

Tm Ne Kia Mujh Ko Muhabbat mein bana Rakha Hai

P Jaa Ayyam Kee Talkhee Ko Bhi Hans kar Nasir

Gham Ko Sehney Mein B Qudrat Ne Maza Rakha Hai

Nasir Kazmi

Ager Wo Mehrbaan Hoti

Agr Wo Mehrban Hoti

To Meri Aankh mein

Na Jhalmlati Nami Hoti

Na Mere Dil ki Wadi Mein

Khazan ka Qafla Rukta

Jab Raat Kee Tanhai

Jb Raat Kee Tanhai Dil Ban K Dharkti Hai

Yaadon K Dareechon Mein Chlman C Sarakti hai

Lubaan Men Chingari Jaise Koi Rakh Jaye

Youn Yaad Tery Shab Barr Seeney mein Sulaggti Hai

Youn Piyar Nahin Chhupta, Palkon Ke Jhukane Se

Aankhon Ke Lifafon Mein Tehreer Chamkti Hia

Khushrang Parindon Ke Lout Aane Ke Din Aaye

Bicharey Hue milte Hian, jb barf pighalti Hia

Shuhrrat Kee Bulandi B Pall Bhar Ka Tamasha Hai

Jis Dall Pe Baithey Ho, wo Toot B Sakti Hai

Bashir Badar

Barri Mushkil Se Sulaya Hia

Barri Mushkil Se Sulaya Hai Khud Ko Mein Ne

Apni Aakhon Ko Tere Khawab Ka Lalch De Kar

Tum Mujhe Khaak Samjho

Tum Muhhe Khak B Samjho To Koi Baat Nahi

Yeh B Urti Hai to Aankhon Mein Samaa Jati Hai

Bheegi Palken....Chaley Bhee Aao

Bheegi Palken

Challey B Aao!

K Mein To Khud Ko Tumharey Rangon Mein Rang

Chukka Hoon

Tumharey Sanchon Mein Dhall Chukka Hoon

Tumharey Kehney Pe Aa K Dekho

Mein Khud Ko Kitna Badl Chukka Hoon

Atif Saeed

Yeh Aor Baat Ke

Yeh Aor Baat Hai Ke Izhaar Ho Na Sakaa Hm Se

Nahien Hai Tum Se Muhabbat, Ye Kon Kehta Hai

Ishq e Laa Hasil Ka Haasil

Ishq e Laa Hasil Ka Haasil Chahta Hoon

Mein Jisey Chahon Mukamal Chahta Hoon

Aatif Chuhdary

Teri Yadon Kee Barish

Teri Yaadon Kee Baarish Barsti Hai Jb B

Mein Beegta Zaroor Hoon, Mgr Palkon Ki Hd Tk

Zindagi Kay Sarey Dukh...Khuda Hafiz

Zindaggi Ke Sarey Dukkh

Sabhee Ranj o Allam

Ek Lafz mein Simit Kr Aa Gey

Jb Kissi Apney Ne Kaha

Hamesha Ke Laye..!!

Khuda Hafiz..

Raat Mein Barish Hui

Raat Mei_n Baarish Hui To Shaher Saraa Beh Giya

Kaisaa Sapna Thaa Jissey Mei_n Dekhtaa Hee Reh Giya

Muhabbat Haar Ke Jeena

Muhabbt Haar Kay Jeena Bada Dushwaar Hota Hai

Ussey Bs Itna Keh Dena, Bharram Toda Nahien Kartey

Taza Azzab Mein Guzri

Hr Ekk Shab Meri Taza Azab Mein Guzri

Tumhare Baad Tumhare Hee Khawab Mein Guzri

Mein Ekk Phool Hoon Wo Mujh Ko Rakh K Bhool Giya

Tamam Umer Ussi Kee Kitaab Mein Guzri

Shouq E Nazar

Hm Ne Dekha Thaa Faqt Shouq E Nazar Kee Khatir

Kb Y Socha Tha K Tm Dill Mein Uttr Jao Ge

Tumhari Yaad Aai

Yeh Zabt Chhoot Giya To Tmhri Yaad Aai

Mein Thak K Toot Giya To Tmhari Yaad Aai

Tmhrey Baad Na Tha Koi Mera Dill K Siwa

Yeh Dill B Rooth Giya To Tmhari Yaad Aai

Yeh Qaied Sikhaa Deti Hai

Yeh Qaied Sikhaa Deti Hai Aadab e Muhabbat

Pinjrey Mein Parinday B Sharrart Nahi Karte

Agr Wo Pooch Lein

Agr Wo Pooch Lein Hm Se, Tmhen Kis Baat ka Gham Hai

To Phir Kiss Baat Ka Gham Ho, Agr Wo Poochh Lein Hum Se..!!!

Gullabi Titlee

Gulabi Titlee

Janey Kitnee Sadion Se

Neind Kaa Peechha Kartey Kartey

Aakhir Ekk Gulabi Titlee

Khawaab Nagr Ko Jaa Niklee!!!

Wo Kehta Rehta Hai

Wo Kehta Rehta Hai, Badri Majboorian Hain Waqt Kee

Saaf Lafzon Mein Woh Khud Ko Be Wafa Nahein Kehta