Dosron Mein Zindagi Kay Zaiqey Bantey Gaye

Roman Urdu      رومن اردو

Doosron Mein Zindagi K Zaiqey Bantey Gaye

Doston Mein To Faqt Shikway Gilley Bantey Gaye

Pehley To Chheni Gai Aankhon Se Beenai Yahan

Aor Phir Sarey Nagar Mein Aainey Bantey Gaye

Din Chada To Khouf Ki Hrr Simt Deewarein Utheen

Raat Hotey Hee Nagar Mein Ratjaggay Bantey Gaye

Jab Bhi Khushbakhti Se Manzil Key Qareeb Aaye Kabhi

Phir Hamein Ekk More De Kar Fasaley Bantey Gaye

Ekk Safar Darpaish Tha Taptey Huye Sahraon Kaa

Aor Kuchh Pehley Safar Kay Aabley Bantey Gaye

Hashiye Khainchey Gaye Khushion Pe Apni Aor Kabhi

Shaher Ki Har Ekk Galli Mein Sanhey Bantey Gaye

Kabb Mujhey Aosaf Iss K Piyar Ka Hissa Milla

Jo Bhi Lamhey Thay Wo Duniya Kay Liye Bantey Gaye

Aousaf Sheikh

Urdu   اردو

دوسروں میں زندگی کے ذائقے بانٹے گئے

دوستوں میں تو فقط شکوے گلے بانٹے گئے

پہلے تو چھینی گئی آنکھوں سے بینائی یہاں

اور پھر سارے نگر میں آئینے بانٹے گئے

دن چڑھا تو خوف کی ہر سمت دیواریں اٹھیں

رات ہوتے ہی نگر میں رت جگے بانٹے گئے

جب بھی خوش بختی سے منزل کے قریب آئے کبھی

پھر ہمیں اک موڑ دے کر فاصلے بانٹے گئے

اک سفر درپیش تھا تپتے ہوئے صحراؤں کا

اور کچھ پہلے سفر کے آبلے بانٹے گئے

حاشئیے کھینچے گئے خوشیوں پہ اپنی اور کبھی

شہر کی ہر اک گلی میں سانحے بانٹے گئے

کب مجھے اوصاف اس کے پیار کا حصہ ملا

جو بھی لمحے تھے وہ دنیا کے لئے بانٹے گئے

اوصاف شیخ