Chehra Mera Thaa Nigahen Uss Kee

Roman Urdu  رومن اردو

Chehra Mera Thaa, Nigahein Uss Kee

Khamshi Mein Bhee Wo Batein Uss Kee

Mere Chehrey Pay Ghazal Likti Gain

Shaer Kehti Hui Aankhin Uss Kee

Shokh Lamhon Ka Patta Deney Lagein

Tez Hoti Hui Sansein Uss Kee

Aisy Mousam Bhi Guzarey Hum Nay

Subhein Jab Apni Thein, Shamein Uss Kee

Dhiyan Mein Usskay Yeh Aaalam Tha Kabhi

Aankh Mehtaab Kie Yaadein Uss Kee

Rang Joinda Wo, Aaye To Sahi…!!!

Phool To Phool Hain Shakhein Uss Kee

Faisla Mouj e Hawa Nay Likha

Aandhian Meri, Baharein Uss Kee

Khud Pay Bhi Khulti Naa Ho Jiss Kee Nazar

Janta Koun Zabanein Uss Kee

Neind Iss Soch Sey Tooti Aksar

Kiss Tarah Kat’ti Hain Ratein Uss Kee

Door Rah kar Bhi Sadda Rehti Hain

Mujh Ko Thamey Huye Banhein Uss Kee

Parveen Shakir

Urdu   اردو

چہرہ میرا تھا، نگاہیں اس کی

خامشی میں بھی وہ باتیں اس کی

میرے چہرے پہ غزل لکھتی گئیں

شعر کہتی ہوئی آنکھیں اس کی

شوخ لمحوں کا پتہ دینے لگیں

تیز ہوتی ہوئی سانیسں اس کی

ایسے موسم بھی گزارے ہم نے

صبحیں اپنی تھیں شامیں اس کی

دھیان میں اس کے یہ عالم تھا کبھی

آنکھ مہتاب کی یادیں اس کی

رنگ جوئندہ وہ، آئے تو سہی

پھول تو پھول ہیں، شاخیں اس کی

فیصلہ موج ہوانے لکھا

آندھیاں میری، بہاریں اس کی

خود پہ بھی کھلتی نہ ہو جس کی نظر

جانتا کون زبانیں اس کی

نیند اس سوچ سے ٹوٹی اکثر

کس طرح کٹتی ہیں راتیں اس کی

دور رہ کر بھی سدا رہتی ہیں

مجھ کو تھامے ہوئے بانہیں اس کی

پروین شاکر