Bichar Kay Tujh Se Yahi Khood Ko Saza Dee

Roman Urdu   رومن اردو

Bichar Kay Tujh Se Yahi Khud Ko Saza Di Mein Nay

Teri Tallash Mein Ekk Umer Lagga Di Mein Nay

Tujhey Jo Dill Sey Nikala To Youn Lagga Jaisey !

Apney Andar Koi Deewar Girra Di Mein Nay

Goongay Behron Mein Rahey Jaisey Koi Nabina

Zindagi Tere Binna Aisey Bitta Dee Mein Nay

Jiss Ka Har Lafz Adhoora Raha Sanam Tujh Bin

Zindagi Aisi Kitaab Banna Dee Mein Nay

Apney Andar Sey Sunna Mein Nay “Yahan Hoon Mein Yahan”

“Tu Kahan Hai” Kee Jahan, Jabb Bhi Sadda Dee Mein Nay

Dil K Sheeshay Pe Jahan Yaad Teri Chispan Thee

Abb Wahan Waqt Ki Ekk Dhool Jamma Dee Mein Nay

Dard O Gham, Ranj O Museebat Ki Qabain Aorhein

Ghar Ki Dewaron Ko Jalon Ki Ridda Dee Mein Nay

Zubair Uss Ko Achanak Se Jo Khoya To Lagga

Zindagi Aik Hee Lamhey Mein Ganwa Dee Mein Nay

Urdu   اردو

بچھڑ کے تجھ سے یہی خود کو سزا دی میں نے

تیری تلاش میں اک عمر لگا دی میں نے

تجھے جو دل سے نکالا تو یوں لگا جیسے

اپنے اندر کوئی دیوار گرا دی میں نے

گونگے بہروں میں رہے جیسے کوئی نابینا

زندگی تیرے بنا ایسے بتا دی میں نے

جس کا ہر لفظ ادھورا رہا صنم! تجھ بن

زندگی ایسی اک کتاب بنا دی میں نے

اپنے اندر سے سنا میں نے "یہاں ہوں میں یہاں"

"تو کہاں ہے" کی جہاں جب بھی صدا دی میں نے

دل کے شیشے پہ جہاں یاد تیری چسپاں تھی

اب وہاں وقت کی اک دھول جما دی میں نے

درد و غم، رنج و مصیبت کی قبائیں اوڑھیں

گھر کی دیواروں کو جالوں کی رِدا دی میں نے

زبیر اُس کو اچانک سے جو کھویا تو لگا

زندگی ایک ہی لمحے میں گنوا دی میں نے