Sakoon e Dill Naa Raha Jab Wo Bezaban Thehrey
Khushi Khushi Naa Rahi Jab Wo Badguman Thehrey
Wo Bhi Ekk Waqt Tha, Bin Unkey Guzarta Hi Naa Tha
Yeh Bhi Ekk Waqt Hai, Lamhey Mujhey Sadian Thehrey
Tajahil Thaa Taghafal Thaa Raqabat Mein Jo Hail Thaa
Yeh Meri Badnaseebi Thi Wo Mere Raazdaan Thehrey
Mera Aks Aainey Mein Tha, Pass e Aainaa They Wo Khudd
Sarabb e Dasht Ki Manind Hamarey Darmiyan Thehrey
K Jin Ko Bhoolna Merey Laye Ekk Maarkah Saa Thaa
Jahan Jaon Nazar Aaye, K Jaisey Aasman Thehrey
Mujhey Bass Yaad Hai Itna Kinarey Parr He Doobey Thay
Keh Baad e Janib e Jaanaan He Merey Dushman Thehray
Woh Merey Zeesat K Lamhey Bazahir Chand Lamhey Thay
Magrr Mahsoos Hota Hai K Jaisey Ekk Zammann Thehrey
Yeh Aaghaz e Safar Thaa Aor Raqeeb Apney Baghal Mein Thaa
Yeh Merie Badnaseebi Thee, Woh Meer e Kaarwaan Thehrey
Muqeed Dasht e Qufs Hoon, Mera Siyyad Hai Sahera
Bujhaye Piyas Mere Aabla Paoin Jahan Thehrey
Abdul Mutlab Muqeed
No comments:
Post a Comment