Pata Girrey Shajjar Se

Patta Girrey Shajarr Se To Larza Hamein Ho Kion
Girton K Sath Girney Ka Khatka Hamein Ho Kion

Qaroon Hain Jo Zarr Ki Tawaquo Ho Un Se Kia
Aison Pe Iss Qabeel Ka Dhoka Hamein Ho Kion

Befaiz Rehbron Se Murratab Jo Ho Chali
Ahwal Ki Wo Shakl, Gawara Hamein Ho Kion

Milti Hai Kajjraon Ko Nafaz e Sitam Pe Jo
Aisi Saza Ka Ho Bhi To Khadsha Hamein Ho Kion

Rakhein Namo Ki Aas Bhalla Kion Chattan Se
Aison Se Iss Tarah Ka Taqazaa Hamein Ho Kion

Hm Hain Phuar Abr Ki, Buchar Ham Nahin
Sakhti Karein Kissi Pe, Ye Yara, Hamein Ho Kion

Beeja Hai Jo Uggey Ga Na Wo, Kasht e Khair Mein
Majid Gumman Jo Ho Bhi To Aisa Hamein Ho Kion

Majid Siddique