Tehreerein

Roman Urdu   رومن اردو

Tehreerein

Bahot Sada Say Kaghaz Par

Bahot Sada See Tehreerein

Kabhi Tera Naam Likh Daina

Koi Paighaam Likh Dena

Koi Paighaam Likh Kar Phir

Ussi Ko Choomtey Rehna

Ussey Phir Choom Kar Youn Hee

Zarra Saa Khoon Laykar Phir

Kissi Koney Lagga Dena

Kabhi Khushbu Lagga Daina

Kabhi Rotey Huey Likhna

Inhee Bechain Aankhon Se

Ussi Kaghaz Ki Ekk Janib

Kabhi Aansoo Girra Dena

Kissi Phir Qalam Ko Laykar

Inhee Ashkon Ki Ekk Janib

Koi Chehra Banna Dena

Wohi Aankhein Bana Dena

Kabhi Unn Zeest Kay Lamhon Kay

Ek Ek Waqt Ko Likhna

Kabhi Tareekh Likh Dena

Kabhi Likh Kar Mitta Dena

Kabhi Sookhey Sey Patton Ko

Bhi Kaghaz Par Lagga Dena

Zarra Zarra See Baton Pe

Kai Qissey Sunna Dena

Isharon Se Wo Kuch Likhna

Isharon Se Wo Kuchh Kehna

Kabhi Sub Kuchh Chuppa Laina

Kabhi Sab Kuchh Batta Daena

Phir Aakhir Faisla Karna

Zara Sa Housla Karna

Wo Kaghaz Phard Daina

Ya Ussi Sada Sey Kaghaz Ko

Kabhi Parh Kar Jalla Daina

Syed Aqeel Shah

Urdu    اردو

تحریریں

بہت سادہ سے کاغذ پر

بہت سادہ سی تحریریں

کبھی تیرا نام لکھ دینا

کوئی پیغام لکھ دینا

کوئی پیغام لکھ کر پھر

اُسی کو چومتے رہنا

اُسے پھر چُوم کر یوں ہی

ذرا سا خون لے کر پھر

کسی کونے لگا دینا

کبھی خوشبو لگا دینا

کبھی روتے ہوئے لکھنا

اِنہی بے چین آنکھوں سے

اُسی کاغذ کی اک جانب

کبھی آنسو گرا دینا

کسی پھر قلم کو لے کر

انہی اشکوں کی اک جانب

کوئی چہرہ بنا دینا

وہی آنکھیں بنا دینا

کبھی اُن زیست کے لمحوں کے

اک اک وقت کو لکھنا

کبھی تاریخ لکھ دینا

کبھی لکھ کر مٹا دینا

کبھی سوکھے سے پتوں کو

بھی کاغذ پر لگا دینا

ذرا ذرا سی باتوں پہ

کئی قصے سنا دینا

اشاروں سے وہ کچھ لکھنا

اشاروں سے وہ کچھ کہنا

کبھی سب کچھ چھپالینا

کبھی سب کچھ بتا دینا

پھر آخر فیصلہ کرنا

ذرا سا حوصلہ کرنا

وہ کاغذ پھاڑ دینا

یا اُسی  سادہ سے کاغذ کو

کبھی پڑھ کر جلا دینا

سید عقیل شاہ