Ussey Yeh Koun Samjhaye

Roman Urdu    رومن اردو

Ussey Yeh Koun Samjhaye

Ajjab Pagal See Larki Hai!
Meree Khamosh Aankhon Mein
Mehkti, Muskurati, Gungunati, Khawab See Gehri Mohabbat Kay Sabhi Rangon Se Waqif Hai
Magar Anjaan Banti Hai

Woh Merie Beqarari Kay Sabhie Ma’ani Samjhti Hai
Magarr Khamoshh Rehti Hai
Ussey Maaloom Hai Yeh Bey Tahasha Bolney Wala!
Zaamaney Bharr Kay Qissey, Dastanein Uss Se Kehta Hai
Harr Ekk Mouzoo Par Uss Sey Baat Karta Hai
Wo Uss Say Keh Nahin Sakta
“Meri Sochon Kay Mehwar Ho
Tumharey Bin Mujhey Yeh Zindagi Bekaar Lagti Hai
Mera Harr Din Tumhari Soch Kay Suraj Se Uggta Hai
Merie Harr Shaam Kay Pehloo Mein Tum Hee Muskurrati Ho
Meri Harr Raat Karbb e Naarsaai Se Sullagti Hai
Agar Khud Sey Tumhein Minha Karon To Kuchh Nahin Bachta”
Ussey Maaloom Hai Ye Shabb Gaye Jagney Wala!
Jissey Khawabon Ki Duniya Se Mohabbat See Mohabbatt Hai
Wo Kion Soney Se Darta Hai
Ussey Kiya Khouf Laa-Haqq Hai
Wo Khull Kar Kion Nahin Hanstaa
Wo Kion Chhup Chhup Kay Rotaa Hai
Ussey Maaloom Hai Sub Kuchh
Magar Anjaan Banti Hai
Ussey Yeh Kon Samjhaye!!
Keh Dill Youn Naarsaai Ki Tappish Ziyada Dinon Takk Sahe Nahin Sakta
Jissey Khawabo_n Ki Duniya Se Mohabbat C Mohabbat Ho
Wo Khawabo_n Kay Binna Aisey Adhoora Rahe Nahien Sakta
Ussey Ye Koun Samjhaye Ke Uss Sey Be Tahashaa Bolney Wala!
Jo Harr Mouzoo Parr Uss Sey Baat Kartaa Hai
Kabhie Yeh Keh Nahien Sakta!
“Merri Weeran Aankhon Mein
Kai Sapney Sammo Jao
Tumharey Bin Adhoora Hoon
Merri Takmeel Ho Jao”
Ussey Maaloom Hai Sab Kuchh Magar Yeh Kon Samjhaye!
Ajjab Pagal See Larki Hai

Atif Saeed

Urdu     اردو

اُسے یہ کون سمجھائے

عجب پاگل سی لڑکی ہے!
مری خاموش آنکھوں میں
مہکتی، مسکراتی، گنگناتی، خواب سی گہری محبت کے سبھی رنگوں سے واقف ہے
مگر انجان بنتی ہے
وہ میری بے قراری کے سبھی معنی سمجھتی ہے
مگر خاموش رہتی ہے
اسے معلوم ہے یہ بے تحاشا بولنے والا!
زمانے بھر کے قصے، داستانیں اس سے کہتا ہے
ہراک موضوع پر اس سے بات کرتا ہے
وہ اس سے کہہ نہیں سکتا
"مری سوچوں کے محور ہو
تمہارے بن مجھے یہ زندگی بیکار لگتی ہے
مرا ہر دن تمہاری سوچ کے سورج سے اُگتا ہے
مری ہر شام کے پہلو میں تم ہی مُسکراتی ہو
مری ہر رات کربِ نارسائی سے سلگتی ہے
اگر خود سے تمہیں منہا کروں تو کچھ نہیں بچتا"
اسے معلوم ہے یہ شب گئے تک جاگنے والا!
جسے خوابوں کی دنیا سے محبت سی محبت ہے
وہ کیوں سونے سے ڈرتا ہے
اسے کیا خوف لاحق ہے
وہ کُھل کر کیوں نہیں ہنستا
وہ کیوں چُھپ چُھپ کے روتا ہے
اسے معلوم ہے سب کچھ
مگر انجان بنتی ہے
اسے یہ کون سمجائے!!
کہ دل یوں نارسائی کی تپش زیادہ دنوں تک سہہ نہیں سکتا
جسے خوابوں کی دنیا سے محبت سی محبت ہو
وہ خوابوں کے بنا ایسے ادھورا رہ نہیں سکتا
اسے یہ کون سمجھائے کہ اس سے بے تحاشا بولنے والا!
جو ہر موضوع پر اس سے بات کرتا ہے
کبھی یہ کہہ نہیں سکتا!
"مری ویران آنکھوں میں
کئی سپنے سمو جاوؑ
تمہارے بن ادھورا ہوں
مری تکمیل ہو جاوؑ"
اسے معلوم ہے سب کچھ مگر یہ کون سمجھاۓ!
عجب پاگل سی لڑکی ہے

عاطف سعید