Bahot Hee Motabir Hoon Mein
Bahot Manoos Hain Mujh Sey
Parinday Uss Ki Nagri Kay
Mujhey Tanha Nahien Kartey
Yeh Jugnoon Uss Ki Basti Kay
Hawain Paas Se Jatey Huey
Uss Kaa Batati Hain
Keh Khushbu Rah Mein Rukk Karr
Sirf Uss Kay Taqqaduss Mein
Bari Hee Ehtraman Jhukk Kay Chalti Hai
Baharein Merey Raston Mein
Kabhi Thehrra Nahien Kartein
Khazzan Rutt Merey Paon Kay Tallay Aaa Kar
Bichha Daiti Hai Ekk Chadar
Shikasta Zard Paton Ki
Guzzartey Jaa Rahey Lamhey Mujhey Badlla Nahin Kartey
Meri Aankhon Se Abb Kay Khawab Bhi
Uljha Nahein Saktay
Challey Jatey Hain Khamoshi Se Abb
Nazrein Jhukka Kay Hum
Kissi Ko Aankh Bhar Kay Bhi Kabhi Daikha Nahin Kartey
Ussey Socha To Kartey Hain
Ussey Mangaa Nahien Kartey
Ussey Manga To Kiya Hogaa
Ussey Chaha To Hai Laikin
Ussey Khoyia Kiya Hogaa
Bahot Hee Sochta Hoon Mein
Sakoot e Shabb Mein Tanhai Mujhey Aa Kar Batati Hai
Tumhein Uss Ki Khawahish Nay Bada Anmol Kar Dala
Woh Mill Jata To Kiya Hota
Chalo Janey Bhi Do
Jo Paas Hai Rakht e Safar Jano
Keh Sadion Chaltey Chaltey Bhi Yahan Se Kuchh No Kam Hogaa
Yeh Jazba Aisa Jazba Hai
Jo Dhundalla Hee Nahin Sakta
Syed Aqeel Shah
Urdu اردو
بہت ہی معتبر ہوں میں
بہت مانوس ہیں مجھ سے
پرندے اُس کی نگری کے
مجھے تنہا نہیں کرتے
یہ جگنوں اُس کی بستی کے
ہوائیں پاس سے جاتے ہوئے
اُس کا بتاتی ہیں
کہ خوشبو راہ میں رک کر
صرف اُس کے تقدس میں
بڑی ہی احتراماً جھک کے چلتی ہے
بہاریں میرے رستوں میں
کبھی ٹھہرا نہیں کرتیں
خزاں رُت میرے پاؤں کے تلے آ کر
بچھا دیتی ہے اک چادر
شکستہ زرد پتوں کی
گزرتے جا رہے لمحے مجھے بدلا نہیں کرتے
میری آنکھوں سے اب کے خواب بھی
اُلجھا نہیں سکتے
چلے جاتے ہیں خاموشی سے اب
نظریں جھکا کے ہم
کسی کو آنکھ بھر کے بھی کبھی دیکھا نہیں کرتے
اُسے سوچا تو کرتے ہیں
اُسے مانگا نہیں کرتے
اُسے مانگا تو کیا ہوگا
اُسے چاہا تو ہے لیکن
اُسے کھویا کیا ہو گا
بہت ہی سوچتا ہوں میں
سکوتِ شب میں تنہائی مجھے آ کر بتاتی ہے
تمہیں اُس کی خواہش نے بڑا انمول کر ڈالا
وہ مل جاتا تو کیا ہوتا
چلو جانے بھی دو
جو پاس ہے رختِ سفر جانو
کہ صدیوں چلتے چلتے بھی یہاں سے کچھ نہ کم ہو گا
یہ جذبہ ایسا جذبہ ہے
جو دُھندلا ہی نہیں سکتا
سید عقیل شاہ
No comments:
Post a Comment