Ayye Mohabbat..! Teri Qismat Ke Tujhey Mufftt Mein Milley

Roman Urdu    رومن اردو

Ayye Mohabbat..!
Teri Qismat Ke Tujhey Mufftt Mein Milley Hum Sey Dana
Jo Kamalaat Kia Kartey Thay
Khushk Matti Ko Ammaaraat Kiya Kartey Thay
Ayye Mohabbat..!
Yeh Tera Bakht Ke Binn Mool Milley Humsey Anmool
Jo Heeron Mein Tulla Kartey Thay
Hum Sey Munhzor, Jo Bhoonchaal Uthha Rakhtey Thay
Ayye Mohabbat Merri!

Hum Tere Mujrim Thehrey
Hum Jaisey Jo Logon Se Sawalaat Kia Kartey Thay
Hum Jo Sao Baaton Ki Aik Baat Kiya Kartey Thay
Teri Tehveel Mein Aaney Sey Zarra Pehley Takk
Hum Bhi Iss Sheher Mein Izzat Se Raha Kartey Thay
Hum Bigartey To Kai Kaam Banna Kartey Thay
Aor…!
Abb Teri Sakhawat Kay Ghannay Saaye Talley
Khilqat e Shaher Ko Hum Zindah Tamasha Thehray
Jitney Ilzam Thay
Maqsoom Hamara Thehray
Ayye Mohabbat..!
Zarra Andaz Badal Lay Apna
Tujh Ko Aaindah Bhi Ushaaqq Ka Khoon Peena Hai
Hum To Marr Jaingay, Tujh Ko Magar Jeena Hai
Ayye Mohabbat!
Teri Qismat Ke Tujhey Milley Hum Se Anmol
Hum Sey Danaa…..!

Urdu   اردو

اے محبت!
تیری قسمت کہ تجھے مفت میں ملے ہم سے دانا
جو کمالات کیا کرتے تھے
خشک مٹی کو امارات کیا کرتے تھے
اے محبت!
یہ تیرا بخت کہ بن مول ملے ہم سے انمول
جو ہیروں میں تُلا کرتے تھے
ہم سے منہ زور، جو بھونچال اُٹھا رکھتے تھے
اے محبت میری!
ہم تیرے مجرم ٹھہرے
ہم جیسے جو لوگوں سے سوالات کیا کرتے تھے
ہم جو سو باتوں کی ایک بات کیا کرتے تھے
تیری تحویل میں آنے سے ذرا پہلے تک
ہم بھی اس شہر میں عزت سے رہا کرتے تھے
ہم بگڑتے تو کئی کام بنا کرتے تھے
اور!
اب تیری سخاوت کے گھنے سائے تلے
خلقت شہر کو ہم زندہ تماشہ ٹھہرے
جتنے الزام تھے
مقصوم ہمارا ٹھہرے
اے محبت!
ذرا انداز بدل لے اپنا
تجھ کو آئندہ بھی عشاق کا خون پینا ہے
ہم تو مر جائیں گے، تجھ کو مگر جینا ہے
اے محبت!
تیری قسمت کہ تجھے ملے ہم سے انمول
!ہم سے دانا۔۔۔