Agarr Kabhi Merie Yaad Aaye

Roman Urdu    رومن اردو

Agarr Kabhi Merie Yaad Aaye
To Chaand Raaton Kie Dilgeer Roshni Mein
Kissi Sittaray Ko Daikh Laina
Agar Wo Nakhal Falak Se Urr Kar Tumharey Qadmon Mein Aa Girey To Ye Jaan Lena
Wo Issta’arah Thaa Mere Dil Kaa
Agar Nah Aaye?............

Magarr Yeh Mumkin Hee Kiss Tarah Hai Ko Kissi Pe Nigah Dalo
To Uss Kie Deewar e Jaan Nah Tootey
Wo Apni Hastie Naa Bhool Jaye..!!
Agar Kabhi Meri Yaad Aaye
Guraiz Kartie Hawa Ki Lehron Pe Haath Rakhna
Mein Khushbuon Mein Tumhein Millon Gaa
Mujhey Gullabon Ki Pattion Mein Talash Karna
Mein Aows Qatra Kay Aainey Mein Tumhein Millon Gaa
Agar Sittaron, Aows Khushbuon Mein
Naa Pao Mujh Ko
To Apney Qadmon Mein Daikh Lenaa
Mein Gard Hotie Massafton Mein Tumhein Millongaa
Kahein Pe Roshan Charagh Daikho To Jaan Laina
Keh Harr Patangay Kay Sath Mein Bhie Sullag Chukka Hoon
Tum APney Hatho_n Sey Un Pattangon Kie Khak Darya Mein Daal Dena
Mein Khaak Bann Kar Sumandar Mein Safar Karo_n Gaa
Kissi Naa Daikhey Huey Jazeerey Pe Rukk Kay Tumhein Sadain Doonga
Sumandron Kay Safar Pe Niklo
To Uss Jazeerey Pe Kabhi Uttarna..!!

Amjad Islam Amjad

Urdu    اردو

اگر کبھی میری یاد آئے
تو چاند راتوں کی دلگیر روشنی میں
کسی ستارے کو دیکھ لینا
اگر وہ نخل فلک سے اڑ کر تمہارے قدموں میں آ گرے تو یہ جان لینا
وہ استعارہ تھا میرے دل کا
اگر نہ آئے ؟۔۔۔۔۔۔۔۔۔۔۔۔۔
مگر یہ ممکن ہی کس طرح ہے کہ کسی پر نگاہ ڈالو
تو اس کی دیوارِ جاں نہ ٹوٹے
وہ اپنی ہستی نہ بھول جائے۔۔!!
اگر کبھی میری یاد آئے۔۔
گریز کرتی ہوا کی لہروں پہ ھاتھ رکھنا
میں خوشبووں میں تمہیں ملوںگا
مجھے گلابوں کی پتیوں میں تلاش کرنا
میں اوس قطرہ کے آئینے میں تمہیں ملوںگا
اگر ستاروں میں، اوس خوشبووں میں
نہ پاو مجھ کو
تو اپنے قدموں میں دیکھ لینا
میں گرد ہوتی مسافتوں میں تمہیں ملوں گا
کہیں پہ روشن چراغ دیکھو تو جان لینا
کہ ہر پتنگے کے ساتھ میں بھی سلگ چکا ہوں
تم اپنے ہاتھوں سے ان پتنگوں کی خاک دریا میں ڈال دینا
میں خاک بن کر سمندر میں سفر کروں گا
کسی نہ دیکھے ہوئے جزیرے پہ رک کے تمہیں صدائیں دوں گا
سمندروں کے سفر پہ نکلو
تو اس جزیرے پہ کبھی اترنا۔۔!!

امجد اسلام امجد